- Advertisement -
የአሜሪካ ድምጽ ራዲዮ
የአማርኛ አገልግሎት
ጁላይ 2015 (እኤአ)
በኢትዮጵያ ከ1ዓመት በላይ ታስረው ከቆዩ ጋዜጠኞችና የዞን ዘጠኝ ጦማር ጸሀፊዎች መካከል፤ ሶስቱ መፈታታቸውን የአሜሪካ ድምጽ ሬድዮ ከምንጮቹ አረጋግጧል፤ የፋና ሬድዮ የተፈቱት ጋዜጠኞችና የጦማር ጸሃፊዎች 5 ናቸው ሲል ዘግቧል።
በሽብር ወንጀል ተከሰው ከአንድ ዓመት ከሁለት ወር በእስር ያሳለፉት ጋዜጠኞቹ ተስፋለም ወልደየስና አስምማው ሃይለ-ጊዮርጊስ እንዲሁም የዞን 9 ጦማር ጸሃፊና የህግ መምህር ዘላልም ክብረት ዛሬ ማምሻውን ከእስር ተፈተዋል።
ከጦማር ጸህፊዎቹና ጋዜጠኞቹ ስምንቱን የሚወክሉት ጠበቃ አምሃ መኮንን ለአሜሪካ ድምጽ ሬድዮ በተለይ እንደገለጹት፤ ሁለቱ ሴቶች ማለትም ኤዶም ካሳየና ማህሌት ፋንታሁን ከእስር ቤት ማምሻውን አልተለቀቁም።