- Advertisement -spot_img
Wednesday, August 10, 2022
Homeዜናደብረ ታቦርና ዱር ቤቴ ላይ ሕይወት መጥፋቱን መኢአድ አስታወቀ

ደብረ ታቦርና ዱር ቤቴ ላይ ሕይወት መጥፋቱን መኢአድ አስታወቀ

- Advertisement -spot_img

ሰለሞን አባተ
የአሜሪካ ድምጽ ራዲዮ
ነሃሴ 21 2008 ዓ ም

በአማራ ክልል ሥራ የማቆም አድማ መመታቱን፣ ደብረ ታቦር ከተማ ላይ ሦስት ሰው፤ እንዲሁም ዱር ቤቴ ሦስት ሰው በተፈጠሩ ግጭቶች መገደላቸውን፣ በአካልና በሕይወት ላይም ጉዳት መድረሱን የመላ ኢትዮጵያ አንድነት ድርጅት – መኢአድ አስታውቋል፡፡

የመኢአድ ዋና ፀሐፊ አቶ አዳነ ጥላሁን ለቪኦኤ በሰጡት ማብራሪያ በክልሉ በርካታ ከተሞች ውስጥ ሰላማዊ ሰልፎች መደረጋቸውን፤ የሥራ ማቆም አድማዎች መመታታቸውን ገልፀዋል፡፡

ጎንደር ላይ አድማው ዛሬም ቀጥሎ መዋሉንና ደምበጫ ላይ ወደ ደብረ ማርቆስ የሚወስድ መንገድ መዘጋቱን፣ በቋሪት ወረዳ አዴት ከተማ በማቻከል ወረዳ፣ በሞጣ፣ በጋይንት፣ በአዲስ ዘመን፣ በአርባያና በሌሎችም አካባቢዎች የተለያዩ እንቅስቃሴዎች መኖራቸውንና ውጥረት መኖሩን አቶ አዳነ ዘርዝረዋል፡፡

አቶ አዳነ በተጨማሪም ባስተላለፉት መልዕክት “በዚህ ሕዝባዊ እምቢተኝነት የሚሣተፉ ሕዝቦች ሁሉ የትግራይ ሕዝብ ወገናችን፣ አጋራችን፣ ከእኛ በበለጠ ተጎጂ እንጂ ከእኛ ባላነሠ ተጠቃሚ አለመሆኑን፣ በወያኔ/ኢሕአዴግ የሚረገጥ ሕዝብ መሆኑን ሕዝቡ በመገንዘብ የፖለቲካ ሥራ በፀዳ መልኩ በሚገኙ የትግራይ ተወላጆች ዙሪያ የተሣሣተ እርምጃ እንዳይወስድ እንደ አንድ ግለሰብ አደራዬን ለማስተላለፍ እፈልጋለሁ፤ ጥሪዬን ማቅረብ እፈልጋለሁ” ብለዋል፡፡

ስለዛሬ የአማራ ክልል ውሎ በተለያየ ደረጃ ከሚገኙ የክልሉ ባለሥልጣናት ማብራሪያ ለማግኘት የተደረጉ ተደጋጋሚ ጥረቶች አልተሣኩም፡፡

ለተጨማሪና ዝርዝር መረጃ ከዚህ ዘገባ ጋር የተያያዘውን የድምፅ ፋይል ያዳምጡ፡፡

- Advertisement -spot_img
Stay Connected
28,789FansLike
11,756FollowersFollow
8,540SubscribersSubscribe
Must Read
Related News

LEAVE A REPLY

Please enter your comment!
Please enter your name here