ቦርከና
ግንቦት 1, 2010 ዓ.ም.
ቤንሻንጉል ጉሙዝ ተብሎ በተዋቀረው የኢትዮጵያ ክፍል “አማራ ናችሁ ወደ ሃገራችሁ ሂዱ” በሚል ወከባና ፤የንብረት ማውደም በደል ከደረሰባቸው በኋላ ከአምስት መቶ የሚበልጡ አባወራዎች ወደ ባህርዳር በመሸሽ በቤትክርስቲያን ተጠልለው እንዳሉ መዘገቡይታወሳል፡፡
የአማራ ክልል መገናኛ ብዙሃን በቤንሻንጉል ክልል የብአዴን ማስተባበሪያ ጽ/ቤት ኃላፊ ናቸው የተባሉትን አቶ ተመስገን ኃይሉን በማነጋገር በጉዳዮ ላይ ማብራሪያ ለማግኘት ሞክሮ ነበር፡፡
አቶ ተመስገን አንደሚሉት በቅርቡ የተከሰተው መፈናቀል በጥቅምት ወር በሁለት ሰዎች ግጭት ምክንያት ተከስቶ በነበረ ችግር ምክንያት ስጋት የገባቸው ሰዎች ከዚያን ጊዜ በኋላ በተለያዮ ጊዚያት እየተፈናቀሉ ወደ ባህር ዳር መምጣታቸውን ለማስረዳት ሞክረው ነበር፡፡
ሆኖም ዛሬ በጋዜጠኛ ጌታቸው ሽፈራው አማካይነት በማህበራዊ ሚዲያ ተለቀቀ ነው የተባለ ሰነድ እንደሚያሳየው በቤንሻንጉል ክልል ለበሎ ዴዴሣ ነዋሪ የነበሩ የአማራ ነዋሪዎች ለቀው እንዲወጡ ፤ የማይወጡ ከሆነ በግዳጂ አንዲወጡ እንደሚደረግ በቀበሌ አመራሮች ትዕዛዝ እንደተላለፈባቸው ያሳያል፡፡
በቤንሻንጉል ክልል በአማራ ተወላጆች ላይ እየደረሰ ያለውን እልቂት የሚቃወሙ የመብት ተሟጋቾች ሰነዱ በአማራ ላይ የዘር ማጽዳት ወንጀል እንደተፈጸመ አስረጂ ነው ይላሉ፡፡
ከዚህ በፊት በደቡብ ኢትዮጵያ ይኖሩ በነበሩ ኢትዮጵያውያን ላይ አማሮች ናችሁ በሚል በአቶ ሺፈራው ሺጉጤ ትዕዛዝ ተመሳስይ በደል ደርሶባቸው እንዲፈናቀሉ መደረጉ ይታወሳል፡፡
በቤንሻንጉል ክልል መስተዳደር ሾልኮ የወጣ ነው የተባለው ደብዳቤ ከላይ በፎቶ ያለውን ይመስላል፡፡
![Pinterest](https://pinterest.com/pin/create/button/?url=https://amharic.borkena.com/2018/05/09/%e1%8a%a8%e1%89%a4%e1%8a%95%e1%88%bb%e1%8a%95%e1%8c%89%e1%88%8d-%e1%8c%89%e1%88%99%e1%8b%9d-%e1%8a%ad%e1%88%8d%e1%88%8d-%e1%89%a0%e1%89%b0%e1%8d%88%e1%8a%93%e1%89%80%e1%88%89-%e1%8a%a0%e1%88%9b/&media=https://amharic.borkena.com/wp-content/uploads/2018/05/Benshangul-letter-.jpg&description=ቤንሻንጉል ጉሙዝ ተብሎ በተዋቀረው የኢትዮጵያ ክፍል "አማራ ናችሁ ወደ ሃገራችሁ ሂዱ" በሚል ወከባና ፤የንብረት ማውደም በደል ከደረሰባቸው በኋላ ከአምስት መቶ የሚበልጡ አባወራዎች ወደ ባህርዳር በመሸሽ በቤትክርስቲያን ተጠልለው እንዳሉ ... ሙሉውን ያንብቡ){kind=link}