spot_img
Monday, November 28, 2022
Homeአበይት ዜናበውጭ ጉዳይ ሚኒስትር የሚመራ የኤርትራ ልዑካን ቡድን ዛሬ ረፋዱ ላይ አዲስ አበባ...

በውጭ ጉዳይ ሚኒስትር የሚመራ የኤርትራ ልዑካን ቡድን ዛሬ ረፋዱ ላይ አዲስ አበባ ገብቷሎ

- Advertisement -spot_img
- Advertisement -
Round Trip Flights under $199! Get up to $20 off◊ our fees on flights with promo code RT20

Eritrean delegation

ቦርከና
ሰኔ 19 2010 ዓ.ም.

በኤርትራ የውጭ ጉዳይ ሚንስትር አቶ ኦስማን ሳለህ የሚመራ ልዑካን ቡድን ዛሬ ረፋዱ ላይ አዲስ አበባ ቦሌ አውሮፕላን ማረፊያ ገብቷል። የፕሬዘዳንት ኢሳያስ አፍወርቂ አማካሪና የፖለቲካ ጉዳዮች ኃላፊ አቶ የማነ ገብረአብ የልዑካን ቡድኑ አባል እንደሆኑም ታውቋል።

የልዑካን ቡድኑ ቦሌ አውሮፕላን ማረፊያ ሲደርስ ጠቅላይ ሚኒስትር አብይ አህመድ ፤ የውጭ ጉዳይ ሚኒስትር ወርቅነህ ገበየሁ የሃይማኖት አባቶች እና ታዋቂ አትሌቶች ደማቅ አቀባበል አድርገዋል። በቦታው ተገኝቶ የነበረው ወታደራዊ የሙዚቃ ባንድ የታዋቂውን አርቲስት መሃሙድ አህመድ”ሰላም”የሚል ሙዚቃ ተጫውቷል።

ዛሬ ማታ ደግሞ የልዑካን ቡድኑ በቤተ መንግስት የእራት ግብዣ ተደርጎለታል።

ባለፈው ሳምንት ኤርትራ የሰማዕታት ቀኗን ስታከብር ፕሬዝዳንት ኢሳያስ አፈወርቂ ባደረጉት ንግግር ኢትዮጵያ ያቀረበችውን የሰላም ውይይት ሃሳብ የሚገመግም እና ቀጣዮን ርምጃ የሚነድፍ የልዑካን ቡድን አንደሚልኩ ማስታወቃቸው ይታወሳል።

በግንቦት ወር መጨረሻ የኢህአዴግ ስራ አስፈፃሚ ኮሚቴ ባሳለፈው ውሳኔ ኢትዮጵያ የአልጀርሱን ስምምነት ሙሉ በሙሉ ተቀብላ ተግባራዊ እንደምታደርግ ካስታወቀ በኋላ ኤርትራ ምላሽ ሳትሰጥ ለሳምንታት ካሰበችበት በኋላ ነው ምላሽ የሰጠችው።

በኢትዮጵያውያን እና ኤርትራውያን የተጀመረው ንግግር አወንታዊ ፍጻሜ አግኝቶ የጋራ ታሪክ ፤ባህል ፤ እምነት እና የደም ትስስር ጭምር ያላቸው የሁለቱ ሃገር ህዝቦች እንደገና ሰላማዊ እና በጋራ ጥቅም ላይ የተመሰረተ ጉርብትና ያጠናክራሉ የሚል ተስፋ የሰነቁ ይመስላል።

ወቅታዊ እና ሚዛናዊ መረጃን ለማግኘት ቦርከናን በፌስ ቡክ ላይክ ያድርጉ።

- Advertisement -Early Bird Holiday Deals! Before you know it, the holidays will be right around the corner! Take advantage of our early bird deals today and save up to $40 on our fees with code SPOT40!
Stay Connected
28,789FansLike
11,943FollowersFollow
8,540SubscribersSubscribe
Stacy Adams
Must Read
Related News

LEAVE A REPLY

Please enter your comment!
Please enter your name here