spot_img
Wednesday, November 23, 2022
Homeአበይት ዜናየሃጂ እና ኡምራ ተጓዦች የኢትዮጵያ አየር መንገድ አድሶብናል ላሉት መጉላላት አየር መንገዱ...

የሃጂ እና ኡምራ ተጓዦች የኢትዮጵያ አየር መንገድ አድሶብናል ላሉት መጉላላት አየር መንገዱ ምላሽ ሰጠ

- Advertisement -spot_img
- Advertisement -
Round Trip Flights under $199! Get up to $20 off◊ our fees on flights with promo code RT20

Ethiopian-Airlines-777-source-flying-Ireland.com-570x293

ቦርከና
ነሃሴ 16 2018 ዓ.ም

ኢትዮጵያውያን ሙስሊሞች ለሃጂ ወደ ሳውዲ አረቢያ ለመጓዝ ትኬት ቆርጠው በበረራው ቀን አዲስ አበባ ቦሌ አውሮፕላን ሲደርሱ ጉዞአቸው ስለተሰረዘ እንደተጉላሉ በዚህ ሳምንት ቢቢኤን ማስነበቡ ይታወሳል። ሁኔታውንም ተከትሎ የኢትዮጵያ አየር መንገድ እንግልት ለደረሰባቸው ሙስሊም ምዕመናን አፋጣኝ ምላሽ እንዲሰጥ በማህበራዊ ሚዲያ ዘመቻም ተጀምሮ ነበር።

አየር መንገዱ መጉላላቱ ከአየር ንብረት ጋር ተያይዞ ጉዞ በመሰረዙ እንደሆነ ባወጣው መግለጫ አስታውቋል። የመግለጫው ሙሉ ቃል እንደሚከተለው ነው፤

    የኢትዮጵያ አየር መንገድ በእስልምና እምነት እጅግ የተከበረውን አመታዊ የሃጅ ጉዞ የሙስሊሙን ማህበረሰብ ለማገልገል በቂ ዝግጅት አድርጎ ሃጃጆችን ሲያስተናግድ ቆይቷል። ሆኖም የሃጂ ጉዞ አስተባባሪ ኮሚቴ አስቀድሞ ከተጠየቀው የጉዞ መርሀ ግብር ተጨማሪ ሰሞኑን በሶማሌ ክልል በተከሰተው የጸጥታ ችግር ሳቢያ ለጉዞ ዘግይተው የመጡ ሃጃጆችን እና በሳዑዲ አየር መንገድ በተያዘላቸው የበረራ ምዝገባ መሰረት ሊስተናገዱ ባለመቻላቸው የኢትዮጵያ አየር መንገድ እንዲያጓጉዝ ኮሚቴው ጠይቋል።ምንም እንኳን ወቅቱ ከፍተኛ የበረራ እንቅስቃሴ ያለበትና ሁሉም አውሮፕላኖቻችን በከፍተኛ በረራ የተጠመዱበት ወቅት ቢሆንም አየር መንገዱ ብሔራዊ ግዴታውን በማክበር ለሙስሊሙ ማህበረሰብ አገልግሎቱን አቅርቧል።

    በተጨማሪም ነሐሴ 08 ቀን 2010 ዓ.ም በነበረው መጥፎ የአየር ጠባይ እና ከባድ ዝናብ ሳቢያ የኢትዮጵያ ሲቪል አቪዬሽን የአየር ትራፊክ መቆጣጠሪያ ጣቢያ ብልሽት ገጥሞታል። በመሆኑም የአየር ትራፊክ መቆጣጠሪያ በወቅቱ የነበሩ ገቢም ሆኑ ወጪ በረራዎችን ሙሉ በሙሉ ማስተናገድ ስላልቻለ አዲስ አበባ ማረፍ ከነበረባቸው በረራዎች ውስጥ ስድስቱ ጅቡቲ ለማረፍ ተገደዋል። የተቀሩትም ረዥም ጊዜ በአየር ላይ እንዲቆዩ ሆነዋል። በወጪ በረራዎችም ረዥም መዘግየት አጋጥሟል። በመሆኑም በዘገዩ በረራዎች ምክንያት ትራንዚት መንገደኞች ቀጣይ በረራዎችን እስከሚሳፈሩ ድረስ በርከት ወዳሉ አዲስ አበባ ውስጥ ያሉ ሆቴሎች በመውሰድ ለማሳረፍ ተገደናል። ስለሆነም ከላይ በጠቀስነው ምክንያት ዘግይተው የደረሱ የሃጅ መንገደኞቻችንን በከተማው ውስጥ የሚገኙ ሆቴሎች ሙሉ በሙሉ በትራንዚት መንገደኞች ስለተያዙ የሃጅ መንገደኞቻችንን ወደ ሆቴል መውሰድ ባለመቻላችን በወቅቱ ይቅርታ ጠይቀናል።

    ተጨማሪ ለሚደረገው በረራም ከሳዑዲ ሲቪል አቪዬሽን የበረራ ፍቃድ በመጠባበቅ ሂደት በመንገደኞች ማስተናገጃ በረራውን ለሚጠብቁ ሃጃጆች የምግብና መሰል መስተንግዶዎች በማቅረብና ተጨማሪ አውሮፕላን በመመደብ ሁሉንም የሃጂ ተጓዦች ወደ ጉዞ መዳረሻቸው አድርሰናል።

    በዚህ አጋጣሚ ለሀጅ ተጓዞችና ሌሎች መንገደኞች በበረራዎች መዘግየት ለተፈጠረው መጉላላት ከልብ ይቅርታ መጠየቅ እንወዳለን።

___
ወቅታዊ እና ሚዛናዊ መረጃን ለማግኘት ቦርከናን በፌስ ቡክ ላይክ ያድርጉ።

- Advertisement -Early Bird Holiday Deals! Before you know it, the holidays will be right around the corner! Take advantage of our early bird deals today and save up to $40 on our fees with code SPOT40!
Stay Connected
28,789FansLike
11,939FollowersFollow
8,540SubscribersSubscribe
Stacy Adams
Must Read
Related News

LEAVE A REPLY

Please enter your comment!
Please enter your name here