spot_img
Monday, June 24, 2024
Homeዜናበቤኒሻንጉል ጉሙዝ በድብቅ ወታደራዊ ስልጠና ሲወስዱ የነበሩ 51 ግለሰቦች ተያዙ

በቤኒሻንጉል ጉሙዝ በድብቅ ወታደራዊ ስልጠና ሲወስዱ የነበሩ 51 ግለሰቦች ተያዙ

Seyfedin Haron
ሰይፈዲን ሃሩን
ፎቶ ፤ ኢዜእ

ቦርከና
ጥቅምት 5 ፤ 2011 ዓ.ም

በቤኒሻንጉል ጉሙዝ ክልል ሕዝብ ላይ ጥፋት ለመፈጸም ወታደራዊ ስልጠና ሲወስዱ የነበሩ 51 ግለሰቦችን መያዙን የክልሉ ፖሊስ ኮሚሽነር ማስታወቁን የኢትዮጵያ ዜና አገልግሎት ዘገበ።

ኮሚሽነር ሰይፈዲን ሃሩን ዛሬ ለኢዜአ እንዳስታወቁት ግለሰቦቹ የተያዙት ኅብረተሰቡ በሰጠው ጥቆማ የክልሉ ልዩ ኃይል ሰሞኑን በአሶሳ ዞን ባደረገው አሰሳ ነው፡፡
የክልሉ ፖሊስ በአሶሳ ዞን ባደረገዉ አሰሳና ፍተሻ መሰረት በዞኑ ገንገን በተባለ ቀበሌ ጫካ ገብተዉ ስልጠና ሲያካሂዱ የነበሩ 31 ግለሰቦች በቁጥጥር ሥር ሲውሉ፣20ዎቹ ደግሞ እጃቸውን መስጠታቸዉን ዘገባዉ ያመላክታል፡፡

ግለሰቦቹ በሥፍራው ከአንድ ወር በላይ ስልጠና ሲከታተሉ እንደነበር አመልክተዉ በስልጠናው ላይ ከነበረው ኃይል የተወሰነው ወደ አጎራባች አገር እንደሸሸም አስታዉቀዉበቁጥጥር ሥር ከዋሉት ሰልጣኞች የ13 ዓመት ዕድሜ ያላቸው ህጻናት ይገኙበታል ሲሉ የክልሉ ፖሊስ ኮሚስነር ለኢዜአ ተናግረዋል።

“ግለሰቦቹ ይህን ያህል ጊዜ ስልጠና ሲወስዱ የጸጥታ ኃይሉ የት ነበር?” በሚል ተጠይቀዉ ኮሚሽነሩ “የክልሉ መንግሥት ትኩረት በአሶሳና አካባቢው የተከሰተውን የውስጥ የጸጥታ ችግር ማርገብ ላይ መጠመዱ እና አካባቢው መንገድ የሌለውና ጠረፋማ በመሆኑ ለጸረ-ሠላም ኃይሎቹ ምቹ ሁኔታ መፍጠሩ ነው” ብለዋል መመለሳቸዉን ዘገባዉ አስነብቧል፡፡

ባሳለፍነዉ መስከረም ወር በክልሉ ተከስቶ በነበር ብሄርን መሰረት ያደረግ ጥቃት ከ 74 በላይ የሰዉ ህይወት ሲጠፋ ከ 90 ሺህ በላይ ዜጎች መሰደዳቸዉን የኢትዮጵያ ሠብአዊ መብቶች ጉባኤ (ኢሰመጉ) በወሩ መጨረሻ ላይ ያወጣዉ ሪፖርት ያሳያል፡፡

በሰለሞን ይመር
ወቅታዊ እና ሚዛናዊ መረጃን ለማግኘት ቦርከናን በፌስ ቡክ ላይክ ያድርጉ።

ማስታወቂያ
Stay Connected
28,789FansLike
13,920FollowersFollow
8,540SubscribersSubscribe
Stacy Adams
Must Read
Related News

LEAVE A REPLY

Please enter your comment!
Please enter your name here