በአውሮፖ የስራ ጉብኝት ላይ ያሉት ጠቅላይ ሚኒስትር አብይ አህመድ ከፈረንሳይ ፤ ከጀርመን እና ኦስትሪያ መሪዎች ጋር ተገናኝተው ተነጋግረዋል

Abiy ahmed _ Angela Merkel_
ምንጭ : ኢቢሲ

ቦርከና
ጥቅምት 20 ፤ 2011 ዓ.ም.

በፕሬዝዳንት ኢማኑኤል ማክሮን በተደረገላቸው ግብዣ መሰረት ትላንት በፈረንሳይ የአንድ ቀን ኦፊሲየላዊ ጉብኝት ለማድረግ ትላንት ፓሪስ የገቡት ጠቅላይ ሚኒስትር አብይ አህመድ ዛሬ ደሞ የስራ ጉብኝታቸውን በጀርመን ቀጥለዋል።

በፓሪስ ኤሊሴ ቤተ መንግስት ደማቅ አቀባበል ከተደረገላቸው በኋላ ከፈረንሳዮ ፕሬዝዳንት ጋር የሁለትዮሽ ግንኙት ላይ በመምከር ስምምነት ላይ እንደደረሱ ታውቋል።

በኢትዮጵያ የፈረንሳይ ኢምባሲ ይፋ ባደረገው የሁለቱ መሪዎች የጋራ መግለጫ በባህል ፤ በኢኮኖሚያዊ እና በማህበራዊ ጉዳዮች ላይ ስምምነት ላይ እንደተደረሰ ያሳያል ፤ አብይ አህመድ ራሳቸው እንደተናገሩት ደሞ ፈረንሳይ በሰው ኃይል ስልጠና ፤ የመከላከያ ዘርፉን በማዘመን እና መቶ ሚልዮን ዮሮ በማውጣት የአውሮፕላን ማረፊያውን የማዘመን ስራ እንደምሰራ ጠቅላይ ሚኒስትሩ አሳውቀዋል ። (የፈረንሳይ ኢምባሲ በእንግሊዝኛ ቋንቋ ይፋ ያደረገውን ስምምነት እዚህ ላይ ያገኙታል) የፈረንሳይ ባለሃብቶች በኢትዮጵያ መዋዕለ ንዋይ በማፍሰስ የንግድ እንቅስቃሴ ለማድረግ ፍላጎት እንዳላቸው ሰሞኑን ማስታወቃቸው ይታወሳል።

የፈረንሳይ ኦፊሲያላዊ ጉብኝታቸውን እንዳጠናቀቁ ጠቅላይ ሚኒስተር አብይ አህመድ ወደ ጀርመን በማቅናት በመራሄ መንግስቷ አንጀላ ሜርኬል ደማቅ አቀባበል ተደርጎላቸዋል።

በኢትዮጵያ ውስጥ እየተደረገ ያለውን ለውጥ ይደግፋሉ የሚባሉት ቻንስለር አንጀላ ሜርከል ከአብይ አህመድ ጋር በሃገራቱ የሁለትዮሽ ግንኙነት ላይ እንደመከሩም ተሰምቷል።

በዚያው በጀርመን ሀገር ከኦስትሪያው መሪ ሴባስቲያን ኩርዝ ጋርም ተገናኝተው ተነጋግረዋል።

ጠቅላይ ሚኒስትር ዶ/ር አብይ አህመድ በቡድን ሃያ ሀገራት የኢንቨስትመንት ጉበኤ ላይም ተገኝተውም ንግግር አድርገዋል።
ኢትዮጵያ የውጭ ኢንቬስትመንትን ለመሳብ አስፈላጊ የሆኑ ለውጦችን እንደምታደርግ ለጉባዔው ተሳታፊዎች ባደረጉት ንግ ግራቸው አሳውቀዋል።

በስብሰባዎቹ መካከል በነበራቸው አጭር ጊዜም በአካባቢው ከነበሩ ኢትዮጵያውያን ጋር ተገንኝተው ፎቶግራፍ ተነስተዋል።

ወቅታዊ እና ሚዛናዊ መረጃን ለማግኘት ቦርከናን በፌስ ቡክ ላይክ ያድርጉ።

Leave a Reply

Your email address will not be published.