ከአማራ ብሔራዊ ንቅናቄ (አብን) የተሠጠ መግለጫ!

NaMA _ Ethiopia _ Wollega massacre

የዜጎችን ሰላምና ደህንነት ከማስጠበቅ የሚቀድም አንዳችም መንግስታዊ ተግባር ሊኖር አይገባም!

ከአማራ ብሔራዊ ንቅናቄ (አብን)
ጥቅምት 3 2014 ዓ. ም.

ከአማራ ብሔራዊ ንቅናቄ (አብን) በምስራቅ ወለጋ ነቀምት ዞን ፣ ኪረሙ ወረዳ ሀሮ አዲስአለም ቀበሌ በንፁሀን ላይ የተፈፀመውን ማንነትን መሠረት ያደረገ ጭፍጨፋ በፅኑ ያወግዛል፡፡ በዞኑ ላለፉት ሶስት አመታት ሳያቋርጥ በዘለቀው ዘር ተኮር ጥቃት በሺዎች የሚቆጠሩ አማራዎች በአሰቃቂ ሁኔታ ተገለዋል ፣ በመቶ ሺዎች ተፈናቅለዋል ፤ በርካታ ሀብትና ንብረት ወድሟል፡፡

አብን እንደድርጅት ይህ አሰቃቂ ጭፍጨፋና ማፈናቀል ይቆም ዘንድ ፣ መንግስትም ኃላፊነቱን ተወጥቶ ፍትህ ይሰፍን ዘንድ በተደጋጋሚ ሲጠይቅ መቆየቱ የሚታወስ ነው፡፡ ነገር ግን በምስራቅ ወለጋ ያለው ሁኔታ መቋጫ አልባ ሆኖ ከጊዜ ወደጊዜ የሚፈፀመው እልቂትና ማፈናቀል ተጠናክሮ ቀጥሏል፡፡

ከሁሉም በላይ ደግሞ ይህ ሁሉ አሰቃቂ ጭፍጨፋ ሲፈፀም ዜጎች አስቀድመው የደህንነት ስጋታቸውን በተደጋጋሚ እየገለፁ ባለበት በመሆኑ መንግሥት የዜጎችን ደህንነት የማስጠበቅ ተቀዳሚ ተግባሩን እንዳልተወጣ በግልፅ አመላካች ነው፡፡

በመሆኑም አብን በተፈፀመውና በመፈፀም ላይ ባለው ማንነትን መሠረት ያደረገ ጥቃት የተሰማውን ጥልቅ ሀዘን እየገለፀ ፥ መንግስት የዜጎችን ሰላምና ደህንነት የማስጠበቅ ተቀዳሚ ተግባሩን እንዲወጣ ፣ የድርጊቱ ፈፃሚዎች ላይ ህጋዊ እርምጃ እንዲወስድ ፥ ለተጎጂዎችና የተጎጂ ቤተሰቦች ተገቢው ድጋፍ እንዲደረግና ባስቸኳይ ፍትህ እንዲሰፍን ይጠይቃል!

ለሟች ወገኖቻችን ነፍስ ይማር! ለቤተሰቦቻቸው መፅናናትን እንመኛለን

Published
Categorized as ዜና

Leave a comment

Your email address will not be published. Required fields are marked *