spot_img
Wednesday, November 23, 2022
Homeአበይት ዜናየጠቅላይ ሚኒስትር አብይ አህመድ መንግስት ውሳኔ ሕዝባዊ ቁጣ አስነሳ

የጠቅላይ ሚኒስትር አብይ አህመድ መንግስት ውሳኔ ሕዝባዊ ቁጣ አስነሳ

- Advertisement -spot_img
- Advertisement -
Round Trip Flights under $199! Get up to $20 off◊ our fees on flights with promo code RT20

ቦርከና
ታህሳስ 30 2014 ዓ. ም.

በዚህ ሳምንት ሃሙስ ጠቅላይ ሚኒስትር አብይ አህመድ ካቢኔዎቻቸውን ሰብስበው የታላቁ ህዳሴ ግድብ እካባቢ ባደረጉት የመቶ ቀናት የስራ አመራር ግምገማ ማጠቃለያ ላይ በሰጡት አስተያያት ብዙ ሪፎርም ተደርጎበታል የተባለውን የፍትህ ስርዓት አይረባም በሚል አጣጣሉ፡፡ ለማስረጃ ይሆናል ብለው ካነሷቸው ጉዳዮች አንዱ በሰማኒያዎቹ እድሜ ውስጥ ያሉ ሰዎችን (የትግራይ ተወላጆች የሚል ነገርም አንስተዋል) ያላግባብ እየተሰቃዮ ነው በሚል የፍትህ ስርዓቱ ገና ብዙ ይቀረዋል ሲሉ አጣጣሉ፡፡

አርብ በኢትዮጵያ የገና በዓል ቀን አቶ ስብሃት ነጋን ጨምሮ በጦር ሜዳ የተያዙ ከፍተኛ የህወሓት አባላት ከእስር እንደተፈቱ የመንግስት መገናኛ ብዙሃን ለሕዝብ አስታወቁ፡፡ በተጨማሪም በማንነት ላይ ያነጣጠረ ጥቃት በማነሳሳት በብዙ መቶዎች የሚቆጠሩ ንጹሃን ዜጎችን በሻሸመኔ እና በአካባቢው ባሉ ከተሞች አስገድሏል በሚል የሚተቸው ጽንፈኛ የኦሮሞ ብሔረተኛ ጃዋር መሃመድም እንዲሁም ፍትሃዊ ባልሆነ ሁኔታ በአጃቢነት ታስሯል የሚባለው እስክንድር ነጋም እንደተፈታ ተሰማ፡፡

የህወሓት የጦር ወንጀለኞች እና ጃዋር መፈታት በማህበራዊ ሚዲያዎች በስፋት እያነጋገረ ሲሆን ህዝባዊ ቁጣም እየቀሰቀሰ እንደሆነ ከተለያዮ የሃገር ውስጥ መገናኛ ብዙሃን የተገኙ መረጃዎች ይጠቁማሉ፡፡

ጠቅላይ ሚኒስትር አብይ አህመድ የወሰዱት እርምጃ የአእምሮ ጤናቸውን ጥያቄ ውስጥ ከሚያስገቡ ጀምሮ አሁን ያለውን ገዢ ፓርቲ በፊታውራሪነት ሰርቷል ከሚባልው የቀድሞ ኦሮሞ ህዝቦች ዲሞክራሲያዊ ድርጂት አመራሮች የፓለቲካ ሽፍጥ ጋር የሚያያይዙ አስተያየቶች ተሰተዋል፡፡

ቅዳሜ እለት የፍትህ ሚኒስትሩ ጌዲዮን ጢሞቲዮስ ስለተወሰነው ውሳኔ ማብራሪያ ሰጥተዋል፡፡ የተፈቱበት አገባብ በምህረት ሳይሆን ክሳቸው ተቋርጦ እንደሆነ የተናገሩት ሚኒስትሩ መፈታታቸው ኢትዮጵያ ልታደረግ ላስበችው ብሔራዊ ምክክር አካታችነት አስፈላጊ ሆኖ ስለተገኘ ነው ብለዋል፡፡

ሆኖም የመንግስት ውሳኔ የጠቅላይ ሚኒስትሩን ጽንፈኛ የሚባሉ ደጋፊዎች ጭምር ግራ ያጋባ እንደሆነ በማህበራዊ ሚዲያዎች የሚሰጡ አስተያየቶች ይጠቁማሉ፡፡

እስረኞቹ የተፈቱት የአሜሪካ የምስራቅ አፍሪካ ልዮ መልዕክተኛ ጄፍሪ ፌልት ማን ጠቅላይ ሚኒስትር አብይ አህመድን በአዲስ አበባ አግኝተው አናግረዋቸዋል ከተባለ በኋላም ነው፡፡

- Advertisement -Early Bird Holiday Deals! Before you know it, the holidays will be right around the corner! Take advantage of our early bird deals today and save up to $40 on our fees with code SPOT40!
Stay Connected
28,789FansLike
11,937FollowersFollow
8,540SubscribersSubscribe
Stacy Adams
Must Read
Related News

LEAVE A REPLY

Please enter your comment!
Please enter your name here