spot_img
Monday, September 26, 2022
Homeአበይት ዜናየክቡር አምባሳደር ዶ/ር ካሣ ከበደን ኅልፈተ-ሕይዎት በተመለከተ ከኢትዮጵያ ምድር-ጦር አባላት  ማኅበር (ኢምጦአማ)...

የክቡር አምባሳደር ዶ/ር ካሣ ከበደን ኅልፈተ-ሕይዎት በተመለከተ ከኢትዮጵያ ምድር-ጦር አባላት  ማኅበር (ኢምጦአማ) የተሰጠ የኀዘን መግለጫ

- Advertisement -spot_img
- Advertisement -
Round Trip Flights under $199! Get up to $20 off◊ our fees on flights with promo code RT20

የክቡር አምባሳደር ዶ/ር ካሣ ከበደን ኅልፈተ-ሕይዎት በተመለከተ ከኢትዮጵያ ምድር-ጦር አባላት  ማኅበር (ኢምጦአማ) የተሰጠ የኀዘን መግለጫ፤  

ዶ/ር ካሳ ከበደ
ዶ/ር ካሳ ከበደ

የኢትዮጵያ ምድር-ጦር አባላት ማኅበር (ኢምጦአማ) የክቡር አምባሳደር ዶ/ር ካሣ ከበደን ከዚኽ ዓለም መለየት  የሰማው በከፍተኛ የኀዘን ስሜት ነው። 

አምባሳደር ዶ/ር ካሣ ከጉልምስና ዕድሜአቸው እስከ ኅልፈተ-ሕይዎታቸው በተለያዩ ኃላፊነቶች ከልባቸው  የሚወዷት አገራቸውን በቅንነት እና በታማኝነት ያገለገሉ፣ በፖለቲካ ምክንያት በውጭ አገር በስደት በቆዩባቸው  ዓመታትም ኢትዮጵያን እና ኢትዮጵያውያንን በተመለከቱ ጉዳዮች ሁሉ ደከመኝ-ሰለቸኝ ሣይሉ ቀድመው በመገኘት  ከፍተኛ አስተዋጽዖዎችን ያደረጉ ታላቅ ኢትዮጵያዊ ነበሩ።  

በተለይም የኢትዮጵያ የአገር-መከላከያ ሠራዊት የቀድሞ አባላትን በተመለከተ ያሣዩት ከልብ የመነጨ ተቆርቋሪነት  እና ያደረጓቸው መሰል የሌላቸው ሕይዎትን የታደጉ ቁርጠኛ እርዳታዎች በማኅበራችንም ሆነ በቀድሞ ሠራዊት  አባላት እና ቤተሰቦቻቸው ዘንድ ምን-ጊዜም ሲታውሱ ይኖራሉ። በዚኽ ረገድ በተለይ በየመን በአስቸጋሪ የስደት  ሁኔታ ላይ የነበሩ የኢትዮጵያ ባሕር-ኃይል አባላት እና ቤተሰቦቻቸው ወደ አሜሪካ እንዲመጡ ግንባር-ቀደም ሚና  በመጫዎት ሕይዎታቸውን ታድገዋል።  

በተጨማሪም ምርጫ-ዘጠና-ሰባትን ተከትሎ በነበረው አስከፊ ሁኔታ የፖለቲካ ጥገኝነት ጠይቀው ጅቡቲ የሚገኙ  ሁለት የአየር-ኃይል አብራሪዎች፣ እንዲሁም ቤላሩስ እና እስራኤል ሥልጠና ላይ የነበሩ አብራሪዎች ያለ ፍላጎታቸው ተገድደው በትሕነግ ለሚመራው መንግሥት ተላልፈው እንዳይሰጡ በተደረገው ከፍተኛ ስውር  እርብርብ አምባሳደር ካሣ ግንባር-ቀደም ሚና የነበራቸው ታላቅ አገር-ወዳድ ኢትዮጵያዊ ነበሩ። በእነኝኽ እና  በሌሎች ተዛማች ጉዳዮች ላይ አምባሳደር ዶ/ር ካሣ ላደረጉት ሁሉ የኢትዮጵያ መከላከያ ሠራዊት የቀድሞ አባላት  እና ቤተሰቦቻቸው ባለውለታ እና አለኝታ አድገው የሚመለከቷቸው እና የሚያከብሯቸው ታላቅ ኢትዮጵያዊ ነበሩ።  

ክቡር አምባሳደር ዶ/ር ካሣ ችግር ላይ ያሉ ወገኖቻቸውን በሚችሉት ሁሉ ከመርዳት ባለፈ የኢትዮጵያ ኦርቶዶክስ  ቤተ-ክርስቲያን በውጭ እና በውስጥ የመከፈል ሁኔታ ከልብ ያሳዘናቸው ጉዳይ ስለነበር አንድነት እንዲፈጠር  ከፍተኛ ጥረት አድርገዋል፣ እንዳሰቡትም ለውጤት በማብቃቱ ላይ ጉልኅ ሚና ነበራቸው።  

አገራቸው ከአምባ-ገነን ሥርዓት እንድትላቀቅ በተደረጉ ጥረቶች ላይም የአምባሳደር ዶ/ር ካሣ ተሣትፎ እና ጥረት  የጎላ ነበር። 

ፈጣሪ የእኝኽን የአገር ባለውለታ ነፍስ በአጸደ-ገነት ያሣርፍልን፣ ለቤተሰቦቻቸው እና ለወዳጅ-ዘመድ ሁሉ  መጽናናትን ይስጥልን።  

የኢትዮጵያ ምድር ጦር አባላት ማኅበር (ኢምጦአማ) 

ታኅሣሥ ፳፭ ቀን ፳፻፲፬ ዓ/ም  

ዋሽንግተን

በፒዲኤፍ ለማንበብ እዚህ ይጫኑ

- Advertisement -Early Bird Holiday Deals! Before you know it, the holidays will be right around the corner! Take advantage of our early bird deals today and save up to $40 on our fees with code SPOT40!
Stay Connected
28,789FansLike
11,823FollowersFollow
8,540SubscribersSubscribe
Stacy Adams
Must Read
Related News

LEAVE A REPLY

Please enter your comment!
Please enter your name here