ግብጽ የሩሲያ ቱሪስቶች በሩብል እንዲገበያዮ ልትፈቅድ ነው

ቦርከና

የሩሲያ የመገበያያ ገንዘብ ሩብል በግብጽ ተቀባይነት ካላቸው የመገበያያ ገንዘቦች ተርታ ሊመደብ አንደሆነ ተሰምቷል::

“አር ቲ” የሩሲያን የመንግስት መገናኛ ብዙሃን (ሪያ ኖቮስቲን) ጠቅሶ እንደዘገበው የግብጽ ውሳኔ ከሩሲያ የሚገኝ የቱሪዝም ገቢን ከማሳደግ ጋር የተያያዘ እንደሆነ ነው የተጠቆመው::

በፈረንጆቹ የክረምት እና መኽር ወራት በግብጽ ከሚደረጉ የሆቴል ክፍል አና የጉዞ አገልግሎት ሺያጮች እስከ አርባ ስድስት በመቶ የሚሆነው የሚገኘው ከሩሲያ ቱሪስቶች እንደሆነም ተጠቁሞኣል::

በዮክሬን እየተደረገ ያለውን ጦርነት ተከትሎ ሩሲያ ዘርፈ ብዙ የሆነ ማዕቀብ የተጣለባት ሲሆን ፤ ሩሲያም በበኩሏ ማዕቀቡ የሚፈጠረውን የምንዛሬ ግሽበት ለመቋቋም ሩብልን ከወርቅ ጋር በማያያዝ ምንዛሬዋን ማጠናከሯ ይታወቃል::

ግብጽ በሩሲያ ቱሪስቶች ተወዳጂ ከሚባሉት መዳረሻዎች አንዷ ናት::

እንደ ፈረንጆቹ አቆጣጠር በ2015 የሩሲያ የመንገደኞች አውሮፕላን በግብጽ በሳይናይ በረሃ ጋይቶ 244 ሰዎች ማለቃቸው ይታወሳል ::

በዚህ ድረ ገጽ ላይ መጣጥፍ ለማውጣት ከፈለጉ ጽሁፍዎትን በሚከተለው አድራሻ በኢሜይል ይላኩልን info@borkena.com