spot_img
Sunday, July 21, 2024
Homeመጣጥፍእንኳን ሞት አለልህ!

እንኳን ሞት አለልህ!

Memento Mori A3 Digital Print image 1

በላይነህ አባተ

መኖሩን እያወክ ሞት ቆሞ ተደጅህ፣
ጭራቅ ያገለገልክ ተገዝተህ በሆድህ፣
መሞት ባይኖርማ ባህር ደም በጠጣህ፣
ንጹሑን ፃድቁን በካራ አሳርደህ!

እርጉዝ በጎራዴ በጦቦያ አስመትረህ፣
ፖለቲካ ዝሙት መደመር አጡዘህ፣
አምላክን ህሊናን ልቡናን የጎዳህ፣
ሁሉን የማይተወው እንኳን ሞት አለልህ፡፡

ቲቪና ራዲዮ ዘጋቢ ነኝ እያልህ፣
ግድብ ውሀ ሙላት እየለፈለፍክ፣
ዜጎች በዘራቸው ተቀልተው እያየህ፣
የዘር ማጥፋት ወንጀል ሆን ብለህ የደበክ፣
እንደ ጎርፍ የሚወስድ እንኳን ሞት አለልህ፡፡

አስር ሰላሳ ዓመት የቀጠልክ መስሎህ፣
ሞልተህ የማትመርገው ከርስህ አስገድዶህ፣
ዘሩ እየተጠራ ሲታረድ ወገንህ፣
ለጥ ብለህ የተኛህ እንጀራ እየጎረስክ፣
እንኳንም ሞት አለ ጠርጎ የሚወስድህ፡፡

እርጉዝ ስትመተር ህሊናህ ሳይወቅስህ፣
ሽፍንፍን አድርገህ ማለፍን የመረጥክ፣
በአንተም የሚመጣ እንኳን ሞት አለልህ፡፡

ፒ ኤች ዲ ዲግሪ ማስተርስ አለኝ እያልክ፣
ድስኩር ስትደሰኩር አለሁ ስትል ከርመህ፣
መደመር ግድብን ፈንድ ፈንድዱ እያልክ ፣
ለነፍሰ ገዳዮች ልሙጥ ካድሬ ሆነህ፣
ዘር ፍጅት ሲፈጠም ምላስክን የለጎምክ፣
ተፊትህ የቆመ እንኳን ሞት አለልህ፡፡

እንደ ብፁእ ቅዱስ ቆብ ተራስህ ደፍተህ፣
ተአንገት ተደረትህ መስቀል አንዠርገህ፣
ክርስቲያን ሲታረድ ድሎትህ አታሎህ፣
በሟች አስራት ፍርፍር ክቶፍህን እየዋጥክ፣
በጎችህን ቆመህ በካራ ያሳረድክ፣
እንኳንም ሞት አለ ችሎት የሚያቀርብህ፡፡

በአሪዎስነትህ መጣፍ የሚያወሳህ፣
በአድርባይነትህ ታሪክ የሚከትብህ፣
በሆዳምነትህ ትውልድ የሚወቅስህ፣
የዘር ፍጅት ወንጀል በመሸፈን ያለህ፣
ረስቶ እማይቀረው እንኳን ሞት አለልህ፡፡

አቶ ሞት እያለ ያን ያህል ተከፋህ፣
መሞትማ ባይኖር የት ይደርስ ኃጥያትህ፣
አስቆርቱ ይሁዳ ሰማእትን የከዳህ፣
እንኳንም ሞት አለ ሲው አርጎ እሚወስድህ፡፡

(abatebelai@yahoo.com)
ሐምሌ ሁለት ሺ አስራ ሁለት ዓ.ም.

__

በነጻ አስተያየት መድረክ የሚቀርቡ ሃሳቦች የጸሃፊውን እንጂ የግድ የቦርከናን ድረገጽ ሃሳብ ላያንጸባርቁ ይችላሉ፡፡ በዚህ ድረ ገጽ ላይ መጣጥፍ ለማውጣት ከፈለጉ ጽሁፍዎትን በሚከተለው አድራሻ በኢሜይል ይላኩልን info@borkena.com

የቴሌግራም ቻናላችን ይቀላቀሉ ፡ t.me/borkena የንግድ ድርጅትዎን ወይንም አገልግሎትዎን የንግድ ድርጂት ማውጫ ላይ ለማውጣት እዚህ ይጫኑ፡፡የቴክኒክ ድጋፍ ካስፈለገዎ በሚከተለው ኢሜይል ይጠይቁ zborkena@borkena.com

Ethiopian News
ትዊተር ፡ @zborkena
ፌስቡክ ገጻችንን ላይክ ያድርጉ ፡ Borkena
የቦርከና ቻናልን ስብስክራይብ ለማድረግ እዚህ ይጫኑ
Ethiopia

ማስታወቂያ
Stay Connected
28,789FansLike
13,920FollowersFollow
8,540SubscribersSubscribe
Stacy Adams
Must Read
Related News

LEAVE A REPLY

Please enter your comment!
Please enter your name here