spot_img
Sunday, May 19, 2024
Homeአበይት ዜናደረቱና ጀርባው የመፅሐፍ ቅዱስ ጥቅሶች ያንጠለጠለው ግለሰብ ታሰረ

ደረቱና ጀርባው የመፅሐፍ ቅዱስ ጥቅሶች ያንጠለጠለው ግለሰብ ታሰረ

ደረቱና ጀርባው  _ ተስፍየ

ዳዊት ዓለሙ

ተስፋዬ ሙላት የመፅሐፍ ቅዱስ ጥቅሶችን ከፊትና ከኋላው አድርጎ በቤተ ክርስቲያን እና ገዳማት በመሄድ በብዙዎች የአዲስ አበባ ምእመናን ዘንድ ይታወቃል።

ታዲያ ይህ ሰው በትላንት ዕለት ዓለም ባንክ  የሰፈሩ ሰው ማረፉን ተከትሎ ለቀብር አየር ጤና ኪዳነ ምህረት ቤተ ክርስቲያን ሄደው ወደ ለቅሶ ቤት ሲመለሱ ተስፋዬን ጨምሮ አምስት ሰዎች በፖሊስ ተያዙ::

ሶስቱን ወዲያው ሲለቀቁ ሁለቱን ግን ወደ ፓሊስ ጣቢያ ተወሰዱ:: ተስፋዬም ደረቱና ጀርባው ላይ ከሚያንጠለጥላቸ የመፅሐፍ ቅዱስ ጥቅስ ውስጥ “የምድር መንግስት ያልፋል” እያልክና እየሰበክ ህዝብን ስትቀሰቅስ ነበር ተብሎ ተከስሶ ኮልፌ ቀራኒዮዮ ክ/ከተማ ፖሊስ መምሪያ ፍ/ቤት ቀረበ:: ፍርድ ቤቱም በ2000 ብር ዋስትና ትላንት ቢያሰናብተውም ተስፋዬ ከፖሊስ ጣቢያ የተለቀቀው ዛሬ ነው:: 

ግለሰቡ ለላለፉት 17 ዓመታት በአንገቱ ላይ የሚያንጠለጥለውን የመፅሐፍ ቅዱስ ጥቅሶች እንዳያንጠለጥልና ልብስ ብቻ እንዲለብስ ተደርጎ ዛሬ ከእስር ተለቋል:: 

ተስፋዬ ሙላት ለ17 ዓመታት የተለያዩ የመፅሐፍ ቅዱስ ጥቅሶችን በአንገቱ ላይ እያንጠለጠለ በአዲስ አበባ በሚገኙ አብያተ ክርስቲያናት እና ገደማት ይሄዳል።

በተለይ ንግሥ ባለባቸው አብያተ ክርስቲያናት በማስተባበር ስራው በምእመናን ዘንድ ይታወቃል:: በቅርብ የሚያውቁት እንደሚሉት፣ የታመመ ጠያቂ የሞተን ቀባሪ ሰው ሲሆን፣ በሐይማኖት አባቶች ዘንድ የሚወደድ ሰላማዊ ሰው ነው:: 

የተስፋዬን መታሰር የተከታተሉ አስተያየት ሰጪዎች እንደሚሉት፣ ይሄ የመንግስት ድርጊት አንደኛ ኦርቶዶክስን የማጥቃት ስራው አጠናክሮ መቀጠሉን የሚያሳይ ነው። በሌላ በኩል ደግሞ አገዛዙ በፍጹም ፍርሃት ውስጥ በመሆኑ ሰላማዊ ዜጎችን በዘፈቀደ በማሰር ህዝቡን ለማስፈራራት የሚከተለው አምባገነናዊ እና የማያዛልቅ ስሁት አካሄድ ነው በማለት ድርጊቱን ተቃውመዋል።

__

የቴሌግራም ቻናላችን ይቀላቀሉ ፡ t.me/borkena 

ፌስቡክ ገጻችንን ላይክ ያድርጉ ፡ Borkena

የንግድ ድርጅትዎን ወይንም አገልግሎትዎን የንግድ ድርጂት ማውጫ ላይ ለማውጣት  እዚህ ይጫኑ፡፡ የቴክኒክ ድጋፍ ካስፈለገዎ በሚከተለው ኢሜይል ይጠይቁ zborkena@borkena.com

Ethiopian News – Borkena English

ትዊተር ፡ @zborkena

የቦርከና ቻናልን ስብስክራይብ ለማድረግ እዚህ ይጫኑ

ማስታወቂያ
Stay Connected
28,789FansLike
13,920FollowersFollow
8,540SubscribersSubscribe
Stacy Adams
Must Read
Related News

LEAVE A REPLY

Please enter your comment!
Please enter your name here