spot_img
Sunday, May 19, 2024
Homeቪዲዮኡቡንቱ:- ሰው የመሆን ክብርን፤ ፍቅርን፤ አንድነትን እና ሰብአዊነትን ከፍ የሚያደርግ አፍሪካዊ/ኢትዮጵያዊ ፍልስፍና!!

ኡቡንቱ:- ሰው የመሆን ክብርን፤ ፍቅርን፤ አንድነትን እና ሰብአዊነትን ከፍ የሚያደርግ አፍሪካዊ/ኢትዮጵያዊ ፍልስፍና!!

በተረፈ ወርቁ (ዲ/ን)

ኡቡንቱ የሰብአዊነት ትልቁ ደረጃ/ከፍታ ነው!!
(ደቡብ አፍሪካውያን)

ሀገራችንን ኢትዮጵያን ጨምሮ በተመረጡ 10 የአፍሪካ ሀገራት ለዕይታ የበቃውና የ11 የዓለም አቀፍ ሽልማቶች/አዋርድ ባለቤት ለመሆን የቻለው፤ The Spirit of Ubuntu ‹‹የኡቡንቱ መንፈስ›› ዘጋቢ/ዶክመንተሪ ፊልም፤ ከሁለት ሳምንት በፊት በዚሁ በመዲናችን በአዲስ አበባ በሴንቸሪ ሞል ለዕይታ ቀርቦ ነበር፡፡

በዚህ ዘጋቢ/ዶክመንተሪ ፊልም ውስጥ የአፍሪካና የመላው ጥቁር ሕዝብ የነጻነት ዓርማ እና የአፍሪካ አንድነት/ኅብረት ዕውን መሆን ትልቅ መሠረት የጣለችው ሀገራችን፣ ኢትዮጵያም አካል ሆናለች፡፡

የዚህ ዘጋቢ ፊልም ዳይሬክተርና የሬጌ ሙዚቃ አቀንቃኝ አርቲስት ፓንቶ ፓንተን እንደሚናገረው፤ ‹‹ኢትዮጵያ የኡቡንቱን ፍልስፍናን ለአፍሪካውያን፣ ለመላው ጥቁር ሕዝብና የሰው ልጆች በተግባር ያሳየች ሀገር ናት፤››

የኢትዮጵያና የኢትዮጵያውያን የ‹ኡቡንቱ› መርሕ- ከኬንያ የነጻት አባት ከጆሞ ኬንያታ እስከ ጋናው የነጻት አርበኛ ዶ/ር ክዋሜ ንኩርማ፣ ከደቡብ አፍሪካዊው የነጻነት ታጋይ ከኔልሰን ማንዴላ እስከ ዚሙባቡዌ የነጻት ታጋይ ሮበርት ሙጋቤ እና በሚሊዮኖች የአፍሪካ ሕዝቦች ልብና ማንነት ውስጥ የነጻነትን፣ የአንድነትንና የወንድማማችነትን ቋሚ ሐውልትን ያኖረች ሀገር ናት፡፡

ይህ በኢትዮጵያ በተግባር ሲቀነቀን የነበረው የ‹ኡቡንቱ› ፍልስፍናም በፓን-አፍሪካኒዝም መርሕ በኩል የአፍሪካ አንድነት ድርጅትን/የአፍሪካ ኅብረት ዕውን እንዲሆን አድርጓል፡፡ ለዚህ ደግሞ ሀገራችን ኢትዮጵያ የአንበሳውን ድርሻ ትወስዳለች፡፡

“ኡቡንቱ” አፍሪካዊ ከሆነው ከንጉኒ እና ባንቱ ቋንቋዎች የተወሰደ ቃል ሲሆን በደቡብ አፍሪካው ዙሉ ቋንቋ ቃሉ ሰው መሆንን ያመለክታል፡፡ ከአፍሪካ “ሰብአዊነት” ፍልስፍና አንዱ እንደመሆኑ፣ የ”ኡቡንቱ” ጽንሰ-ሐሳብ፤ “እኔ እኔን የሆንኩት በሁላችሁም ማንነት ምክንያት ነው፤” ተብሎ ሊገለጽ ይችላል፡፡ በተጨማሪም እንደ አፍሪካዊ/ኢትዮጵያዊ ባለን ጥብቅ የሆነ የማኅበረሰብ ትስስር አንፃር ከሚደረጉ ማኅበረሰባዊ እና ሰብአዊ ምግባሮች የሚቀዳ ነው – ኡቡንቱ!! የኡቡንቱ ፍልስፍና!!

ከዚህ ጽሑፍ በታች ያለው የቪዲዮ ሊንክ- የኡቡንቱ ፍልስፍና በኢትዮጵያ፤ በአፍሪካና በመላው ዓለም ያሉትን የሰው ልጆችን በፍቅር፤ በሰብአዊ መርሆች በማስተሳሰር ፍቅርን፤ አንድነትን፤ አብሮነትን በማስፈን ረገድ ያለው አንድምታ የተቃኘበት የ30 ደቂቃ ዝግጅት ነው። እንሆ ሊንኩ፤

__

የቴሌግራም ቻናላችን ይቀላቀሉ ፡ t.me/borkena
ፌስቡክ ገጻችንን ላይክ ያድርጉ ፡ Borkena

በነጻ አስተያየት መድረክ የሚቀርቡ ሃሳቦች የጸሃፊውን እንጂ የግድ የቦርከናን ድረገጽ ሃሳብ ላያንጸባርቁ ይችላሉ፡፡ በዚህ ድረ ገጽ ላይ መጣጥፍ ለማውጣት ከፈለጉ ጽሁፍዎትን በሚከተለው አድራሻ በኢሜይል ይላኩልን info@borkena.com

የንግድ ድርጅትዎን ወይንም አገልግሎትዎን የንግድ ድርጂት ማውጫ ላይ ለማውጣት እዚህ ይጫኑ፡፡የቴክኒክ ድጋፍ ካስፈለገዎ በሚከተለው ኢሜይል ይጠይቁ zborkena@borkena.com

Ethiopian News
ትዊተር ፡ @zborkena
የቦርከና ቻናልን ስብስክራይብ ለማድረግ እዚህ ይጫኑ
Ethiopia

ማስታወቂያ
Stay Connected
28,789FansLike
13,920FollowersFollow
8,540SubscribersSubscribe
Stacy Adams
Must Read
Related News

LEAVE A REPLY

Please enter your comment!
Please enter your name here