spot_img
Sunday, May 19, 2024
Homeመጽሐፍት‹‹የይቅርታ መስኮት›› (በእመቤት መንግስቴ)

‹‹የይቅርታ መስኮት›› (በእመቤት መንግስቴ)

የይቅርታ መስኮት -  እመቤት መንግስቴ

እመቤት መንግስቴ

‹‹የይቅርታ መስኮት›› ስሜትን ቆንጥጦ የመያዝ አቅም ያለው፣ልብ አንጠልጣይ የፍቅር ታሪክ ላይ የሚያጠነጥን ልቦለድ ነው፡፡ በፍቅር ግንኙነት ውስጥ የሚገጥመው ውጣ-ውረድ፣ ከፍታና ዝቅታ ለስለስ ብሎ በሚጓዝ የታሪክ ፍሰት ተገልፆበታል፡፡ በ140 በላይ ገፆች የተሰነደው ይህ ልቦለድ ከምንም በላይ የህይወትን ጉዞ ባልተወሳሰበና ባልተደረተ  መልኩ ቀለል አድርጎ ማቅረብ እንደሚቻል ማሳያ ነው፡፡

      ደራሲዋ እመቤት መንግስቴ ታሪኩን ያቀረበችበት ቀላልና ውብ ቋንቋ ከትረካው ፍሰት ሳንናጠብ፣ ከተመስጧችን ሳንወጣ ትኩረታችን በመፅሃፉ ገፆች መካከል እንደተሰበሰበ እንዲቆይ የሚያደርግ ኃይልን ተላብሷል፡፡ በዋናዋ ገፀ ባህሪ ተራኪነት የሚቀርበው የፍቅር ታሪክ በውስጡ ያካተታቸው ገፀ-ባህሪያት ውሱን ቁጥር ያላቸው መሆኑም ታሪኩ ያለአንዳች መደነቃቀፍና ግርታ ወደ ልባችን ሰተት ብሎ እንዲገባ ያስቻለ አንዱ ገፅታውነው፡፡

       የዚህ ልቦለድ መፅሃፍ አስኳል የሰው ልጅ ህይወት ታላቅ ሚስጥር፣ የስኬቱም ሆነ የውድቀቱ ማጠንጠኛ፣ የደስታውና ኃዘኑ መነሻና መድረሻ፣ የህይወት ጣዕም መገለጫ የሆነው ፍቅር  ነው፡፡ የፍቅር ጥምረት ስለ ህይወት፣ ስለ ዓለም፣ ስለ ሰውልጅና ስለኑሮ ያለንን ዕይታና አመለካከትን በአዎንታዊም ሆነ በአሉታዊ መልኩ በመቅረፅ ረገድ ያለው ድርሻ በልቦለድ ታሪኩ ውስጥ እጅግ መሳጭ በሆነ መልኩ ተገልጿል፡፡

       የሰው ልጅ ከሚያስተናግዳቸው ስሜቶች ሁሉ ፍቅር በእጅጉ ይልቃል፡፡ ኃዘኑም ሆነ ደስታው በፍቅር ይቃኛል፤ ንዴቱም ሆነ ብስጭቱ በፍቅር ይበርዳል፤ በውስጡ የያዘው ቂም፣ ጥላቻና በቀልም በፍቅር ይሽራል፡፡ 

       የሰው ልጅ ሊኖረው የሚችለው የትኛውም ዓይነት ባህሪ፣ ፀባይና ስሜት ሁሉ ከፍቅር በታች ናቸው፡፡ ‹‹የይቅርታ መስኮት›› ልቦለድ መፅሃፍ የፍቅርን ይቅር ባይነት ጥግ በሰው ልጅ ህይወት ውስጥ… ምናልባትም ከምንገምተውና ከምናልመው በላይ በገሃድ እንደሚገለጥ ፍንትው አድርጎ አሳይቶናል፡፡ በየዕለቱ የምንጠራው ይቅርታ የበሽታዎች ሁሉ ፈውስ፣ የችግሮች ሁሉመፍቻ መሆኑን ከ ‹‹ የይቅርታ መስኮት ›› በላይ ማስረጃ የለም፡፡

        እመቤት መንግስቴ ቀደም ሲልም ሌሎች ስድስት መፅሀፍትን ለንባብ አብቅታለች፡፡ ሲያሻት በግጥም ፣ ሲያስፈልጋት በስድንባብ እየተመላለሰች የሥነ-ፅሁፍ አቅሟን አሳይታናለች፡፡

እመቤት አሜሪካን አገር የምትኖረው ከኢትዮጵያዊ ባህልና ትዝታዎቿ ጋር ነው፡፡ የዚያን አገር የኑሮ ዘይቤና የህይወትመንገድ ስትጨምርበት ደግሞ የዕይታ አድማሷን ገደብ የለሽ አድርጎላታል፡፡  ይሄም በ‹‹የይቅርታ መስኮት›› ላይ ጎልቶ ይታያል፡፡‹‹ሀበሻ ነሽ?…›› በሚል ተራ ትውውቅ የተጀመረውን ግንኙነት ሰማይ ቤት ቀጠሮ ድረስ ወስዳ አስደምማናለች፡፡ የገፀ-ባህሪያቱ የፍቅርና የህይወት ውጥንቅጥ የራሳችን መስሎ እንዲሰማን ፣ ደስታና ሀዘናቸውን እንድንጋራ በማድረግ የብዕሯን ጉልበትም አሳይታበታለች፡፡

__

የቴሌግራም ቻናላችን ይቀላቀሉ ፡ t.me/borkena
ፌስቡክ ገጻችንን ላይክ ያድርጉ ፡ Borkena

የንግድ ድርጅትዎን ወይንም አገልግሎትዎን የንግድ ድርጂት ማውጫ ላይ ለማውጣት እዚህ ይጫኑ፡፡የቴክኒክ ድጋፍ ካስፈለገዎ በሚከተለው ኢሜይል ይጠይቁ zborkena@borkena.com

Ethiopian News
ትዊተር ፡ @zborkena
የቦርከና ቻናልን ስብስክራይብ ለማድረግ እዚህ ይጫኑ
Ethiopia

ማስታወቂያ
Stay Connected
28,789FansLike
13,920FollowersFollow
8,540SubscribersSubscribe
Stacy Adams
Must Read
Related News

LEAVE A REPLY

Please enter your comment!
Please enter your name here