ቦርከና ዜና
18/02/2018
በመልካም አስተደደርና ብልሹ አሰራር ቅሬታ የሚነሳበት ገዢው ብልጽግና ፓርቲ በከ8 ሺሕ በላይ የፓርቲው አመራሮች እርምጃ ወስጃለሁ ብሏል።
ኃላፊነታቸውን በአግባቡ አልተወጡም የተባሉ 8 ሺሕ 613 የብልፅግና ፓርቲ አመራሮች ላይ የዲሲፕሊን ርምጃ መወሰዱን የፓርቲው ምክትል ፕሬዚዳንት እና የዋና ጽሕፈት ቤት ኃላፊ አቶ አደም ፋራህ ገልጸዋል።
በፓርቲው አመራሮች ላይ የተወሰደው እርምጃ ከኃላፊነት ማንሳት፣ ከደረጃ ዝቅ ማድረግ እና ሽግሽግን ያካተተ መሆኑንም ብሔራዊ ቴሌቪዥን ዘግቧል፡፡
በየደረጃው ያለው አመራር እና አባል በመልካም ስነ-ምግባር ኃላፊነቱን በብቃት እንዲወጣ እየተሰራ መሆኑም ተጠቁሟል።
በቀጣይ የተሰጠውን ኃላፊነት በሚገባ በማይወጣ፣ ሕዝቡን በታማኝነት የማያገለግል፣ በብልሹ አሰራርና ሌብነት ውስጥ የተዘፈቀ አመራር ላይ የሚወሰደው እርምጃ ተጠናክሮ እንደሚቀጥልም ፓርቲው አሳውቋል።
በየደረጃው ያለው አመራር እና አባል በጥሩ ስነ ምግባር ኃላፊነቱን እንዲወጣ በዚህም የህዝብ ተጠቃሚነትና ኑሮ እንዲሻሻል ስርዓት እንዲገነባ ፓርቲው በትኩረት እንደሚሰራ መነገሩን ዘገባው ጠቅሷል።
ገዢው የብልጽግና ፓርቲ ሥራ አስፈጻሚ ኮሚቴ ጥቅምት 14 ቀን 2018 ዓ/ም ስብሰባ ማካሄዱም ተነግሯል።
……………………
የቦርከናን ዮቲዮብ ቻናል ስብስክራይብ ለማድረግ እዚህ ይጫኑ
የቴሌግራም ቻናላችን ይቀላቀሉ ፡ t.me/borkena
ፌስቡክ ገጻችንን ላይክ ያድርጉ ፡ Borkena
Ethiopian News – Borkena English
ኤክስ ፡ @zborkena
