ቦርከና ዜና
የኢትዮጵያ እና የሳዑዲ ባለስልጣናት አንድ ወር ባልሞላ ጊዜ ውስጥ ለሶስተኛ ጊዜ ተገናኝተዋል።
ባለፈው ሳምንት ወደ አስመራ ተጉዘው ከፕሬዝዳንት ኢሳያስ አፈወርቂ ጋር የተወያዩት የሳውዲ አረብያ ምክትል የውጭ ጉዳይ ሚኒስትር ልዑል ፋይሰል ቢን ፋርሐን ዛሬ አዲስአበባ ገብተዋል።
ሚኒስተሩ ዛሬ ረፋድ ላይ ከዶክተር ጌድዮን ጢምትዮስ ጋር መምከራቸው ተገልጿል። አንድ ወር ባልሞላ ጊዜ ውስጥ ከአዲስአበባ እና በሪያድ መካከል ውይይት ሲደረግ ይህ ለሶስተኛ ጊዜ ነው።
ከሶስት ሳምንት በፊት ዶክተር ጌድዮን ወደ ሳዑዲዓረቢያ ተጉዘው ከጂዳ ሚኒስትሮች ጋርም በቀጠናዊ ጉዳዮች ላይ መክረዋል።
በተመሳሳይ ከአንድ ሳምንት በፊት የሳውዲ የውጭ ጉዳይ ሚኒስትር አዲስአበባ መጥተው ከጠቅላይ ሚኒስትር አብይ አሕመድ ጋር ተወያይተዋል። ዛሬ ደግሞ ምክትል ውጭ ጉዳይ ሚኒስትር ፋርሐን አዲስአበባ ገብተዋል ተብሏል።
የከፍተኛ ባለስልጣናቱ የዛሬው ውይይት ረዥም ዘመናትን ያስቆጠረውን የሁለቱ ሀገራት ጠንካራ ግንኙነት ይበልጥ ማጠናከር በሚቻልባቸው ጉዳዮች ዙሪያ ማተኮሩም ተጠቁሟል፡፡
በተጨማሪም በሁለቱ ሀገራት የጋራ ጥቅም ላይ በተመሰረቱ ቀጣናዊ የሰላምና ጸጥታ ጉዳዮች ላይ ተወያይተዋል ነው የተባለው፡፡
ነገርግን የባለስልጣኑ ተደጋጋሚ ጉብኝት የቀጠናው ትኩሳት ከመቸውም ጊዜ በላይ መጨመሩን የሚያሳይ ተደርጎ ተወስዷል።
__
ቦርከናን ለመደገፍ/ለማገዝ :- ይሄንን ይጫኑ
የቦርከና ቻናልን ስብስክራይብ ለማድረግ እዚህ ይጫኑ
የቴሌግራም ቻናላችን ይቀላቀሉ ፡ t.me/borkena
ፌስቡክ ገጻችንን ላይክ ያድርጉ ፡ Borkena
Ethiopian News–Borkena English
ኤክስ ፡ @zborkena
