ህወሓት ደብረጽዮን ገብረሚካኤል ክልሉን እንዲያስተዳድሩ ወሰነ

ቦርከና ዜና

ድርጅቱ በጠራው ስብሰባበ የጊዜያዊ አስተዳደሩን እንደማይቀበል አስታውቋል።

ህወሃት በአክሱም ከተማ ሲያካሄድ የነበረው አከራካሪው የማዕከላዊ ኮሚቴ ስብሰባ መጠናቀቁ ተገልጿል።

ማዕከላዊ ኮሚቴው በስብሰባው ማብቂያ ላይ በትግራይ ክልል ያለውን ፖለቲካዊ ሁኔታ የሚቀይሩ ውሳኔዎችን አሳልፏል።

- Advertisement -

ኮሚቴው በጄነራል ታደሰ ወረደ የሚመራውን የትግራይ ጊዜያዊ አስተዳደር እንደማይቀበል በይፋ አስታውቋል።

በፌዴራል መንግስትና በህወሓት መካከል የተፈረመውን የፕሪቶሪያ የሰላም ስምምነት በማፍረስ ወደ ቀድሞ አቋም ለመመለስ መወሰኑ ተገልጿል።

ዶ/ር ደብረጽዮን ገብረሚካኤል ክልሉን በፕሬዝዳንትነት እንዲመሩ በማዕከላዊ ኮሚቴው ሀሳብ ቀርቧል።

የፖለቲካ ተንታኞች እንደሚሉት፣ ይህ ውሳኔ በክልሉ ውስጥ ያለውን የውስጥ ክፍፍል ከማባባሱም በላይ ከፌዴራል መንግስት ጋር ያለውን ግንኙነት ወደ ከፋ ግጭት ሊመልሰው ይችላል የሚል ስጋት ፈጥሯል።

- Advertisement -

የቦርከና ቻናልን ስብስክራይብ ለማድረግ እዚህ ይጫኑ
የቴሌግራም ቻናላችን ይቀላቀሉ ፡ t.me/borkena

ፌስቡክ ገጻችንን ላይክ ያድርጉ ፡ Borkena