ቦርከና ዜና
የኢትዮጵያ ሕዝባዊ አብዮታዊ ፓርቲ (ኢሕአፓ) ሚያዚያ 30 ቀን 2018 ዓ.ም ጠርቶት የነበረውን ሰላማዊ ሰልፍ ላልተወሰነ ጊዜ ማራዘሙን ተቀዳሚ ፕሬዚዳንት መጋቢ ብሉይ አብርሃም ሃይማኖት ገልጸዋል።
ሰልፉን ኢሕአፓ አባል በሆነበት በትብብር ለኢትዮጵያ አንድነት ደረጃ ለማሳደግ መወሰኑን ፓርቲው የገለጸ ሲሆን፣ ሰላማዊ ሰልፉ መቼ እንደሚደረግ በቅርብ ቀን ይፋ እንደሚያደርግም አስታውቋል።
ትብብር ለኢትዮጵያ አንድነት በዛሬው ዕለት ሚያዚያ 24 ቀን 2018 ዓ.ም ቸርችል አካባቢ በሚገኘው የመላው ኢትዮጵያ አንድነት ድርጅት (መኢአድ) ጽ/ቤት ግቢ ውስጥ ውይይት አካሂዷል።
የቅንጅቱ ምክትል ሊቀመንበር መጋቢ ብሉይ አብርሃም ሃይማኖት “የዛሬዉ ውይይት ዓይን ገላጭ ነው፤ በቀጣይ በሌሎች ክፍለከተሞች በተለያዩ ክልሎችና ከተሞች ውይይቶች ይቀጥላሉ” ብለዋል።
በኢትዮጵያ ሕዝባዊ አብዮታዊ ፓርቲ (ኢሕአፓ) (ኢሕአፓ) ሚያዚያ 30 ቀን 2018 ዓ.ም ታስቦ የነበረው ሰላማዊ ሰልፍ ከትብብሩ አባላት ጋር በመነጋገር ያደረገው ቢሆንም፣ አንድ አንድ አካላት ለመከፋፈያ ሲጠቀሙበት ነበር” ብለዋል።
“ትብብሩ በተናጥል እየሄደ ነው። ትብብሩ ፈርሷል፣ የፓርቲው ጤናማነት አደጋ ላይ ነው፣ በሚል በማኅበራዊ ሚዲያ ዘመቻ እና የአባላት መከፋፈል ለመፍጠር ተሞክሯል” ያሉት መጋቢ ብሉይ አብርሃም “ልምድ ባላቸው ፖለቲከኞች መፍትሄ አግኝቷል” በማለት ገልጸዋል።
አክለውም፣ “በመሆኑም አሁን ላይ የበለጠ እንዲጠናከር ስለፈለግን፣ የተጠናከረ ሰላማዊ ሰልፍ ለማድረግ ሰልፉን በቅንጅት ደረጃ ከፍ ለማድረግ ወስነናል” ብለዋል።
ሰላማዊ ሰልፉ በቅንጅቱ አማካኝነት መቼ እንደሚደረግ ይፋ ያላደረጉት መጋቢ አብርሃም፣ “በቅርቡ ቦታው ይፋ ይደረጋል” ሲሉ ተናግረዋል።
ቅንጅቱ ሰልፉን አንድ ጊዜ ብቻ የሚያደረግ ሳይሆን የቅስቅሳ ጊዜው እስከሚጠናቀቅበት ወቅት ድረስ በተደጋጋሚ በስታድየሞች እና በትልልቅ አደባባዮች ለማድረግ መወጠኑንም ጨምሮ ተናግሯል።
የቴሌግራም ቻናላችን ይቀላቀሉ ፡ t.me/borkena
የቦርከና ቻናልን ስብስክራይብ ለማድረግ እዚህ ይጫኑ
ቦርከናን ለመደገፍ/ለማገዝ :- ይሄንን ይጫኑ
ፌስቡክ ገጻችንን ላይክ ያድርጉ ፡ Borkena
Ethiopian News–Borkena English
