” እራሴ ፈተና አውጥቼ እፈትናለሁ” ህወሃት

አይ ወያኔ ሃገርና ህዝብን መቀለጃ እንዳደረገ ሊያልፍ ነው? በድንገት ለራሱ ወታደራዊ ምልመላ እንዲያመቸው ግንቦትን የትምህርት ዘመን ማብቂያ ያደረገው ወያኔ አሁን ደግሞ ራሴው በራሴ እፈተናለሁ እያለን ነው። ይህ የሚያሳየው ከትግራይ ወደ ተለያዪ የዓለም ሃገራት የተዘረጋው ትግራይን ሃገር የማድረግ ጥማት አንድ ገጽታ ነው። ከጥንስሱ ከመገንጠልና ከመገንጠል ውጭ ሌላ ዓላማ የሌለው ይህ ድርቡሽ ድርጅት ዛሬም በ 11ኛው ሰአት ላይ ባህሪውን አልቀየረም። ከትግራዪ የትምህርት ቢሮ ሃላፊ ስም ጋር አብሮ የተለጠፈውን የፈረደበት ድክትርና አሽቀንጥረህ ጥለህ የሰውየውን ቃላት ስትመዝን በራሱ አስቦ በራሱ ተንፍሶ የማይኖር የወያኔ አሽከርና ተላላኪ መሆኑ ለመረዳት አያዳግትም። ለዚህ ነው ትግራይ ተገነጠለችም አብራም ከቀሪው የሃገሪቱ ክፍል ጋር ቀጠለች የሃበሻ ህዝብ የመከራ ዝናብ ምንጭ ሁና ትቀጥላለች የምንለው። ሲጀመር በህዝቡ ስም የነገድትና የሚነግድት የሩቅና የቅርብ የወያኔ ካድሬዎችና መሪዎች ልብ አውላቂዎች ዛሬ የተናገሩትን ሳይነጋ የሚንድ ከእውነት ዓለም በእጅጉ የራቁ እጃቸው በሰዎች ደም የተነከረ እኔ ከሞትኩ ሰርዶ አይብቀል የሚሉ የእብድ ጥርቅሞች ናቸው።
አሜሪካ ቢጮህ አውሮፓ ቢንጫጫ ብልጽግና ተው ቢል ሽማግሌ ቢላክ ለሰላም እጃቸውን አንሰጥም ብለው ዛሬም የጦርነት ዝግጅት ላይ የሚገኙት። የክልሉ ትምህርት ተጠሪ ተበደልን ለምን ይህ ይሆናል የሚለው እሳቱ የበለጠ እንዲቀጣጠል እና የትግራይ ህዝብን ለክፋት ለማነሳሳት የሚጠቀሙበት የፓለቲካ ፕሮፓጋንዳ እንጂ ለትግራይ ተማሪዎች አንድም ቀን አስበው አያውቁም። ከእንደ እነዚህ አይነት በዘርና በቋንቋቸው ጢቢራቸው ከዞረ የክልል ጎጠኞች ጋር ምንም አይነት የፓለቲካ ህብረት ቢፈጠር ወንዝ አያሻግርም የምንለው ለዚህ ነው። የፋኖ ከወያኔና ከሻቢያ ጋር ጥምረት መፍጠር አይጥ ለሞቷ የድመት አፍንጫ ታሸታለች እንዲሉ እንጂ እነዚህ ሁለት የብሄር ድርጅቶች ለኢትዮጵያ መፈራረስና አሁን ለገባንበት የአፓርታይድ የክልል ፓለቲካ ዋና ተጠያቂዎች ናቸው። ሰበባቸው ብዙ፤ መፈከራቸው ፉርሽ፤ አላማቸው ግብ አልባ የሆኑት እነዚህ የዝንተ ዓለም የብሄር ሰካራሞች ለህዝባቸውም ሆነ ለሌላው መከራ ከማዝነብ የተሻለ ነገር አልፈጠሩለትም። ይህ የትግራዪ የራስ ፈተና አውጥቶ በራስ የመፈተን ወሬም ከዚሁ በብሄሩ ከሰከረው የእብዶች ስብስብ የሚመነጭ መራራ ፈሳሽ ነው። ወያኔና ሻቢያ እያሉ፤ በሃገሪቱ የክልል ፓለቲካና የመገንጠል ህገመንግስቱ እያለ ገና ብዙ ገመና እናያለን። ለመኖር ወንድምና እህትህን የምትገልበት ምድር ላይ ሰላም ይመጣል ብሎ መገመት ራስን ማታለል ነው። ለዚህ ነው የጀብደኞችና የዘረኞች አወዳደቅ የሮም አወዳደቅ የሚሆነው። ለዚህ ነው አማሟታቸው ሳያምር እንደ ቆሻሻ ጊዜ አሽቀንጥሮ የሚደፋቸው። እድሜ ልክ ክፋትን እየተጋቱና እያስጋቱ በተንኮል ብቻ ብልጣ ብልጥ ሆኖ መኖር አይቻልም። ለወያኔም ለሻቢያም ለብልጽግናም በየብሄሩ ትጥቅ አንስተው በህዝባቸው ስም ለሚነግድት ታጣቂዎች ሁሉ ሊያውቁ የሚገባቸው ሃገርን በማተራመስ፤ በማሰር በመግደል፤ በማፈናቀልና በአፈሙዝ ሃይል ህዝብን ጸጥ ማሰኘት አይቻልምና ሌላ መላ ምቱ። የዘር ፓለቲካውን አክ እንትፍ በሉት። ሰውን በሰውነቱ ብቻ መዝኑት። የሃገርና የዓለም መሳለቂያ ህዝባችን አታድርጉት። መገዳደሉን ግርግሩን፤ ማሰር መፍታቱን፤ ማሳደድን በዘመናት ሁሉ አድርገነዋል። በዚህ ምክንያት መጣ የተባለ ለውጥም ካለ ትሻልን ትቼ ትብስን ነው የሆነው። ስለሆነም ለሰላም በሰላም ለመኖር የጦርነት አስተሳሰባችን እንቀይር። በመገንጠልና በማስገንጠል የሚገኝ አንድም ፍሬ የለም። የትግራይ የትምህርት አመራርም የሃገሪቱ የትም/ሚኒስቴር የሚሰጠውን መመሪያ ተቀብሎ ፈተናው እንደሆነው ሆኖ እንዲያልፍ ቢያደርግ መልካም ነው። ያለበለዚያ ለራስ ሲቆርሱ አያሳንሱ ስለሚሆን ማንም ቢሆን የወያኔን የፈተና ውጤት የሚቀበል የለምና የተማሪዎችን ጊዜ አታቃጥሉ እናንተ ሽንኮች!