ቦርከና ዜና
በፌዴራል መንግሥቱ የተቋቋመውን ጊዚያዊ አስተዳደር በሀይል አፍርሶ ስልጣን የያዘው የህወሓት ቡድን አሁንም ከፌደራል መንግሥት ጋር የቃላት ጦርነት ውስጥ ገብቷል።
የህወሓት ሊቀመንበር ደብረጽዮን ገብረሚካኤል በትናንትናው እለት ምክር ቤታቸውን ሰብስበው አወያይተዋል።
ደብረፅዮን የፌደራል መንግስቱ የትግራይ ህዝብን ለማጥፋት ኢኮኖሚያዊ፣ ፖለቲካዊና ወታደራዊ ዝግጅቶችን በማጠናቀቅ የትግራይ ህዝብን ዳግም ለመውረር እየሰራ ይገኛል ሲሉ ወንጅለዋል።
የትግራይ ህዝብ አሁን ከተደቀነበት የህልውና አደጋ ለመታደግና ያሉትን መሰረታዊ እና ወሳኝ የህዝብ ጥያቄዎች በመመለስ የትግራይ ህዝብ ህልውናን ለማረጋገጥ ለነገ የማይባል ስራ መሆኑን ተገንዝበን እነዚህን የህዝብ ጥያቄዎች ለመመለስ የክልሉ መንግስት በቁርጠኝነት ለመስራት እቅድ ይዟል ሲሉ ተናግረዋል ፡፡
አሁን ላይ ያጋጠመንን የህልውና አደጋ በመመከት ራስን በራስ የማስተዳደር መብት በማረጋገጥ በኢኮኖሚ ራሷን የቻለች ትግራይን እንፈጥጢብለዋል።
ህወሃት የትግራይ መልሶ ግንባታ እንዲፋጠን በትኩረት እንደሚሰራም ለምክርቤቱ አስረድተዋል።
በደብረፅዮን የሚመራው ህወሀት በጄነራል ታደሰ ወረደ የሚመራውን ጊዚያዊ አስተዳደር አፍርሶ ስልጣን በሀይል ከተቆጣጠረ በኋላ ከፌደራል መንግስት ጋር ግልጽ የሆነ አለመግባባት ውስጥ ገብቷል።
የፌደራል መንግስት ለጄኔራል ታደሰ ከለላ ባለመስጠቱ ታደሰ በህወሓት የቁም እስር ሰለባ ሁኗል።
መንግስት በህገወጥ መንገድ ስልጣን በያዘው የህወሓት ቡድን ላይ የወሰደው እርምጃም ይሁን ያወጣው መግለጫ የለም።
የቴሌግራም ቻናላችን ይቀላቀሉ ፡ t.me/borkena
የቦርከና ቻናልን ስብስክራይብ ለማድረግ እዚህ ይጫኑ
ቦርከናን ለመደገፍ/ለማገዝ :- ይሄንን ይጫኑ
ፌስቡክ ገጻችንን ላይክ ያድርጉ ፡ Borkena
Ethiopian News–Borkena English
ኤክስ ፡ @zborkena
አሉላ ሰለሞንም ወስደው ያስተዳድሩት ስራ ሳይሰራ ሊሞት ነው።